善心人來文-同意分享:
你好，失眠打開fb無意間見到呢個專業，好感動，有能力既人如果願意貢獻，可以做得更加多，欣賞你，嘉許你既貢獻同付出！
其實我都有幫我朋友飯店派飯，佢地係在廟街做晚飯小菜，但好有心每逢星期一、三、五下午開檔前都會做百幾個飯盒派比該區長者，飯店得幾個員工，老闆唔想員工做多左野又想派得成飯，所以我就幫佢負責搵義工，每次4-5個用1個鐘去幫手裝飯盒同派飯，可惜派飯時間係4-5點，番工時間所以好難搵義工，有時會有點氣餒，想做更多，做更好但有力不從心既感覺，不過我會堅持落去，因為生命感染生命，只要我一直做就有機會感染到更加多既人。